''Fənər''in sabiq baş məşqçisi Türkiyədə saç əkdirdi
Tanınmış portuqaliyalı mütəxəssis Vitor Pereyra Türkiyə ilə bağlı maraqlı bir paylaşım edib. Onun 6 ay öncə İstanbula gələrək Pendikdə saç əkdirdiyi məlum olub.
Hazırda premyer-liqa təmsilçisi ''Nottingem Forest''i çalışdıran Pereyra saç əkiminin nəticəsini göstərib. ''İnstaqram'' səhifəsində öz şəklini paylaşan 57 yaşlı mütəxəssis bunları yazıb:
''6 ay keçdi və saç əkiminin nəticələrindən çox razıyam. Bütün bu müddət ərzində mənə və işinə çox peşəkar səviyyədə yanaşan bütün personala təşəkkür edirəm. Buranı hamıya məsləhət görürəm''.
Söhbət Azərbaycan da daxil olmaqla dünyanın 17 ölkəsində filialı olan ''now hair time'' klinikasından gedir. Başqa bir çox tanınmış simalar da bura müraciət edib. Xatırladaq ki, Pereyra iki fərqli dönəmdə ''Fənərbaxça''nı çalışdırıb.
Digər xəbərlər
