Ötən mövsüm premyer-liqada legioner limitinin ləğvi mövsümün yüksək intriqa ilə müşayiət olunmasına gətirib çıxardı. Bu qayda ilk vaxtlarda tənqid olunsa da, AFFA-nın yeni təşviq mexanizmi yerli oyunçulara forma şansı qazandırdı. Hər klub ilk 5 legionerin hər biri üçün 5 min, növbəti 7 legionerin hər biri üçün 10 min, 13-15-ci legionerlərin hər biri üçün 100 min, 16-17-ci legionerlərin hər biri üçün 200 min manat rüsum ödəməlidi. Bununla yanaşı, hər komanda forma şansı verdiyi yerli oyunçulara görə mükafat almalı idi. Mövsüm başa çatandan sonra PFL-ın açıqladığı cədvəldə məbləğ bəlli olub.

Sizi klubların ödədiyi mükafat və rüsumlarla bağlı statistika ilə tanış edirik.

klub legioner sayı rüsum dəqiqə bonus faiz mükafat fərq
Qəbələ 12 85000 14429 23216 14,84% 429987,92 344987,92
Sumqayıt 13 185000 12132 18280 11,69% 299197,93 114197,93
Şamaxı 12 85000 11421 16332 10,44% 267314,04 182314,04
Kəpəz 13 185000 15059 15540 9,94% 254350,97 69350,97
Karvan-Y 12 85000 13722 14386 9,20% 235462,88 150462,88
Araz-N 12 85000 13178 13187,5 8,43% 215846,43 130846,43
Qarabağ 17 785000 8571 11521,5 7,37% 188578,17 -596421,83
İmişli 11 75000 9783 10137 6,48% 165917,36 90917,36
Neftçi 17 785000 8653 9816 6,28% 160663,4 -624336,6
Turan T 15 385000 8591 8643 5,53% 141464,32 -243535,68
Zirə 16 585000 7947 7947 5,08% 130072,53 -454927,47
Sabah 16 785000 6626 7401,5 4,73% 121144,06 -663855,94
cəmi 166 4110000 130112 156407,5 100,00% 2560000 -1500000

AFFA-nın bu mexanizmi ilə legionerlərin rüsumu kimi 4 milyon 111 min manat toplanılıb. 2 milyon 610 min manat klublar arasında bölünüb. 1,5 milyon manat isə AFFA-nın büdcəsində qalıb.

Bütün klublar legioner futbolçular üçün ödəniş edib və mükafatdan pay alıb. “Qarabağ”, “Neftçi” və “Sabah” 785 min manat rüsum ödəməklə başqalarından fərqlənib. Cədvəldə “bayquşlar”ın 16 oyunçu üçün ödəniş etdiyi qeyd olunsa da, əvəzedici heyətdə sifariş olunun Stefan Ende sonradan əsas komandada forma geyndiyinə görə əlavə ödəniş edilib. Bu səbəbdən “Sabah” 16+1, yəni 17 oyunçu üçün rüsum ödəyib. Legionerlər üçün ən az ödəniş edən “İmişli”di – cəmi 75 min manat.

Yerli futbolçulara ən çox forma şansı verən klub “Kəpəz”di. Gəncə təmsilçisi azərbaycanlı oyunçulara 15059 dəqiqə şans verib. Ən yüksək mükafat alan isə “Qəbələ”di. “Qırmızı-qaralar” 85 min manat rüsum ödəyib, 429 min 987 manat mükafat alıb, yəni onların qazancı 344 min 987 manatdı. Bu göstəricidə saldosu mənfi olan komandalar da var. “Qarabağ”, “Turan-Tovuz”, “Neftçi”, “Zirə” və “Sabah”da fərq mənfidi.

İSRAYIL XEYRULLAYEV