“Sabah”ın Çempionlar Liqasının 1-ci təsnifat mərhələsində rəqibi olan “Nyu Seynts” ev oyunu üçün biletləri satışa çıxarıb.

“Football-plus.az” Uels təmsilçisinin rəsmi saytına istinadla xəbər verir ki, klub azarkeşlərinə 4 bilet növü təqdim edib. VİP biletlər 45, sadə biletlər 22, 60 yaşdan yuxarı azarkeşlər üçün nəzərdə tutulan biletlər 15, 18 yaşadək olan tərəfdarlar üçün biletlər isə 8 funt sterlinqdi. Bu o deməkdi ki, qiymətlər, uyğun olaraq, təxminən 101, 49, 33 və 18 manatdı.

Xatırladaq ki, iyulun 14-də keçiriləcək “Nyu Seynts” – “Sabah” qarşılaşması Bakı vaxtı ilə saat 21.30-da İngiltərənin Osvestri şəhərində yerləşən “Park Hall”da start götürəcək.

KƏNAN BAHADIR