Akif Rəhimli: “Bilmirəm, bu xəbəri hardan çıxarırlar”
Premyer-liqa və 1-ci divizionda mövsümün startından bir müddət keçsə də, Region Liqası ilə bağlı səssizlik hökm sürür.
Yevlax rayonunun təmsilçisi “Qarxun”un da yeni mövsümdən Region Liqasında çıxış edəcəyi ilə bağlı xəbərlər yayılıb. “Football-plus.az” saytı olaraq klubun prezidenti Akif Rəhimli ilə əlaqə saxlayaraq məsələni dəqiqləşdirdik:
“Bilmirəm, bu xəbəri hardan çıxarırlar. Mənim heç nədən məlumatım yoxdu. Biz hələ Region Liqasına hazır deyilik. Bunun da səbəbi maddi durumdu. Komanda hazırdı, hətta stadionumuz da hazır vəziyyətdədi. Lakin sponsorumuz olmadığına görə Region Liqasına qatıla bilmirik. İndiyə kimi komandanı öz vəsaitimlə saxlamışam. Bəzi kiçik turnirlərdə iştirak edirik, onun da bütün xərcini özüm qarşılayıram. AFFA-dan maliyyə yardımı olsa, əlbəttə ki, biz də Region Liqasında çıxış edəcəyik”.
ŞAİR ABDULLA
Digər xəbərlər
