"Neftçi"nin tərcüməçisi ilə "Aris"in futbolçuları arasında nə baş verib? - ÖZÜ AÇIQLADI
Konfrans Liqasının 2-ci təsnifat mərhələsinin cavab görüşündə “Neftçi” Cənubi Kipr təmsilçisi “Aris”ə 3:0 hesabı ilə qalib gəldi.
Komanda bununla da iki oyunun nəticəsinə görə növbəti mərhələyə yüksəldi.
Matçdan sonra yaşanan kiçik insident də meydandakı gərginliyin nəticəsi idi. Belə ki, rəqib futbolçularla “Neftçi”nin tərcüməçisi Vüqar Əliyev kəllə-kəlləyə gəldi. Lakin futbolçuların və məşqçi heyətinin müdaxiləsi ilə problem yoluna qoyuldu.
Maraqlıdı, mübahisəyə səbəb nə olub?
“Neftçi”nin baş məşqçisi Laurentsiu Regekampf oyundan sonra tərcüməçiyə irad bilirib? Bu haqda məlumat almaq üçün Vüqar Əliyevlə əlaqə saxladıq. Onun “Football-plus.az” saytına açıqlaması belə oldu:“Emosianal oyun gedirdi. Qələbə qazanan tərəf də biz olduq. Mən də görüş başa çatandan sonra qələbəni çılğın şəkildə qeyd etdim. Bu isə onların xoşuna gəlmədi. Əlbəttə, normaldı, məğlub olan komandadı. Ona görə gərginlik yaşandı. Lakin tez də keçdi. Problem elə meydanda qaldı. Kənarda heç bir problem olmadı. Emosianal oyunlarda belə halların baş verməsi normaldı. Baş məşqçi bununla bağlı mətbuat konfransında fikrini dedi. Mənə isə şəxsən heç bir irad bildirmədi. Çünki komandaya istirahət verilib, hələ məşqlərə başlamamışıq”.
ŞAİR ABDULLA
Digər xəbərlər
