2022-ci ilin iyunun 24-də sonradan məlum olduğu kimi ''Qalatasaray'' tarixində mühüm olaylardan biri yaşandı. Məhz həmin vaxt Okan Buruk baş məşqçi vəzifəsinə gətirildi. Geridə qalan 4 il çempionluqlar və saysız-hesabsız rekordlarla əlamətdar oldu. Klubun başında 5-ci mövsümünə daxil olan Buruk çox mühüm bir tarixi rekordun astanasındadı. O, hazırda İstanbul nəhənginin başında 1478-ci gününü tamamlamaq üzrədi. Burukun ''Qalatasaray'' tarixində fasiləsiz ən uzun müddət çalışan baş məşqçi olmasına cəmi bir neçə gün qalıb. Bu göstəricidə rekord Fatih Terimə məxsusdu. Amma burda söhbət onun birinci yox, sonuncu dönəmindən gedir. ''İmperator'' 2017-ci ilin dekabrın 22-də 4-cü dəfə ''Qalatasaray''ın başına keçmiş və fasiləsiz 1480 gün çalışaraq 2022-ci ilin yanvarın 10-da o dönəmki prezident Burak Elmas tərəfindən istefaya göndərilmişdi. Yəni artıq iyulun 13-də Okan Buruk Terimi geridə qoyaraq bu rekordun sahibi olacaq. 53 yaşlı mütəxəssis qarşıdakı mövsümdə həm də ardıcıl çempionluq rekordunu yeniləməyə çalışacaq. O, hazırda bu rekordu də Terim ilə bölüşür. ''Qalatasaray'' 2026/27-ni də zirvədə tamamlasa, Türkiyə futbolunda ilk dəfə bir komanda ardıcıl 5 il çempion olmuş olacaq.