İllər öncə elə “Futbol+”də oxumuşdum. AFFA sözünün abbreviaturasını həmkarlarımız fərqli şəkildə vermişdilər:

“Azərbaycan Futbolunun Faciələrinin Atası”.


Üzərindən xeyli müddət ötsə də, AFFA-nın adı ilə bağlı deyilən, yazılan sözlərin arasında bu qədər yerinə düşəninə rast gəlməmişəm. Həmin yazını bir neçə gün əvvəl, daha doğrusu, AFFA tərəfindən Tovuz şəhər stadionunun süni örtüyünün dəyişdiriləcəyi ilə bağlı xəbəri oxuyarkən xatırladım. Həmin məqamda da ağlıma belə bir söz gəldi: “süni işlər assosiasiyası”. Azərbaycan futbolunda nə saxtakarlıq, nə sünilik varsa, bu işin arxasından AFFA çıxacaq. Buna heç şübhəmiz yoxdu. İllərdi bunu görə-görə gəlirik. AFFA-nı Azərbaycan futbolunun faciələrinin atası hesab edəndə hələ almaniyalı Berti Foqtsun ayağı ölkəmizə dəyməmişdi. Heç Berlində futbol məktəbi də açmamışdıq, xaricdən əcnəbi idman direktorlarını Bakıya gətirməmişdik. Olanlar ondan sonra oldu. Robert Prosineçki gəldi, elə gəldiyi kimi də getdi. Onun həmyerlisi Nikola Yurçeviç millidə həm təcrübə keçdi, həm də milyonçu oldu. İndi də italyan təqaüdçü Canni de Byaziyə qucaq açıb, onun nazını çəkirik. Milyonlarımız su kimi axıb-gedir, futbolumuz isə düşdüyü bataqlıqdan xilas ola bilmir.

Bütün bunlar faciə deyilsə, bəs nədi? De Byazi ölkəsinin mətbuatına Bakıda tanrı kimi yaşadığını deyib. Bəli, onun gördükləri, onu bura gətirənlər tanrı kimi yaşayırlar. De Byazinin özü də İtaliyadan Bakıya o havada gəlib, AFFA-ya rəhbərlik edənlərin özünə məxsus olan, amma elə AFFA-nın özünə yüksək məbləğdə icarəyə verilən mənzillərdə kefini çəkir. Onun nə vecinə ki, Tovuzdakı süni örtüklü meydanlarda azərbaycanlı balalarının əzələləri keyiyəcək, ayaqları şikəst olacaq? De Byaziyə və onun köməkçilərinə xərclənən pullarla Tovuzda, Gəncədə, İmişlidə, Qusarda, Salyanda təbii örtüklü stadionlar tikib, azərbaycanlı balalarının ixtiyarına vermək olar. Onların sağlam şəkildə futbolla məşğul olmasına şərait yaradarıq. Beləcə Azərbaycan futbolu da faciələrdən qurtular, məğlubiyyətlərimiz azalar, qələbələrimiz çoxalar. İkinin üzərinə iki gələndə cavabın dörd olacağını necə biliriksə, Azərbaycan futbolunun problemlərinin həllinin də bunda olduğunu hamımız bilirik. Di gəl ki, kimlərəsə belə olması sərf etmir. Stadionlarımız süni olduqca, balalarımız kiçik yaşlarında ayaqlarını zədələyib, futboldan uzaqlaşdıqca kimlərinsə cibləri dolur. Ona görə də həmin adamlara stadionların örtüyünün təbii olması, uşaqlarımızın futbol oynayarkən sağlamlıqlarını itirməməsi sərf etmir. Biz isə susqun müşahidəçi durumundayıq. Vidadi Əhmədov Tovuzun 3-4 imkanlı və vətənpərvər şəxsini ətrafına toplayıb, “Turan”ı yaradanda Tovuz stadionunun örtüyü süni idi? Təbii ki, yox. Adamlar sinələrini irəli verib, həm doğma rayonları, həm də Azərbaycan futbolu üçün fədakarlıq edirdilər. Bununla da yerli əhalini doğma rayonu tərk etməməyə həvəsləndirirdilər. Hamıya icmarıc verirdilər ki, Tovuzda həyat davam edir, heç kim doğma ev-eşiyini tərk etməyə hazırlaşmır. Əksinə, rayonda futbol oynayırlar, ölkənin ən güclü komandalarından birini formalaşdırırlar. Bu zəhmətin də bəhrəsi “Turan”ın qazandığı mükafatlar, Azərbaycanı avrokuboklarda təmsil edən ilk klub kimi adını tarixə yazdırması oldu. Taleyin qismətidi ki, bu məsul sınaqda “Turan”ın qarşısına Türkiyə nəhəngi “Fənərbaxça” çıxdı. Onsuz da çətin vəziyyətdə olan “Turan”ı avrokuboklarda böyük perspektiv gözləmirdi. Əvəzində milyonlarla türk qardaşımız Azərbaycanda “Turan” adlı klubun varlığından, burdakı insanların türk kimliyindən, böyük yolların yolçusu olduğumuzdan xəbər tutdu. O vaxt bütün bunlar nə neft milyonları hesabına həyata keçirilirdi, nə də dövlətin büdcəsinin. Bunların heç biri yox idi. Əvəzində fədakar, vətənini sevən səmimi insanlar var idi.

UEFA-dan milyonlar ayrıldı, Tovuzda futbol akademiyasının tikintisi adıyla göyə sovruldu. Əvəzində köhnə bazanın üstünü rənglədilər, stadiona da süni örtük döşədilər. Tovuzlu azarkeşlərin illərdi gözlədiyi əzəmətli “Turan” hanı? AFFA reqlamentə tüpürüb, “Turan”ı premyer-liqaya dartır. Orda da onu 500 min manatlıq ianəyə möhtac qoymaqla autsayderə çevirəcəklər. Kimə lazımdı belə “Turan”?! İndi AFFA bir fond yaradıb, öz adamlarını da ora yerləşdirib. Guya onlar bölgə klublarının inkişafı üçün maliyyə tapacaqlar. Kimdi sizə etibar edib, pulunu verən? Sadə insanlar pullarını sizə versin, siz də gedib həmin pulla süni örtüklü meydanlar salıb, top dalınca qaçanların sağlamlığına ziyan vurun. Nonsensdi, nonsens. İş adamları pullarının qədrini də bilir, onu necə idarə etmək lazım olduğunu da. Bunun əvəzinə azad mühit yaradın, imkan verin müstəqil klublar yaradılsın. Bundan niyə qorxursuz, cənablar? Yoxsa belə olanda saxtakarlıq edib, “süniləşdirmə” həyata keçirə bilməyəcəksiz? Ay sizi, xatakarlar!

AMAL

Son xəbərlər

Tahir Süleymanov: “Stuxlik komandasının son akkordları idi, bitib artıq” - AÇIQLAMA

''Fatih Karagümrük''də növbəti italyan

Azərbaycanlı idmançı Fransada qızıl medal qazandı

Adil Nadirovun oğlu "Qarabağ"dakı səhmlərini 300 minə sata bilər? - Ekspert rəyi

“Trabzonspor”un Trezeqe transferinin detalları

Ankara toplanışında 13 cüdoçu iştirak edir

Azərbaycanlı futbolçulara xəbərdarlıq: Bu ölkələrin klubları ilə müqavilə imzalamayın!

Azərbaycan çempionu oyunlarını bu ölkələrdən birində keçirəcək

Çakır gələcəyi ilə bağlı qərar verməyib

"Çox işimiz var" - "Makkabi"nin baş məşqçisi

"Qarabağ"ın rəqibində ayrılıq

Almanlar dünya çempionatından bezib

Qızın iki adaxlısı var?! - KÖŞƏ

Azərbaycanlı üzgüçü Avropa çempionatının finalında

Hikmət Hacıyev: "Fəxri kürsüyə layiq olan döyüşçülər milli yığma komandanın tərkibinə salındı" - AÇIQLAMA

"Zirə" Türkiyə klubuna qarşı - YENİLƏNİR

Braziliyalı müdafiəçi Azərbaycan premyer-liqasında çıxış edə bilər - İDDİA

"Xarakter göstərdik"

Muravski: "Bizim üçün vacib olan kritik anda ayağa qalxmaq və hücum etmək idi"

"Neftçi" Boluda ilk matçına çıxır - YENİLƏNİR

"Qarabağ"ın məğlub olduğu oyun - VİDEO

Elmar Baxşıyev: "Qəbələ" təkcə Ruan və İsniklə qurulmayıb"

"Qələbə bizimdisə, deməli daha yaxşı olmuşuq" - "Lex"in baş məşqçisi

"Təbii ki, 90 dəqiqəni eyni tempdə keçirmək mümkün deyil" - Qurban Qurbanov

"Qarabağ" məğlub oldu - YENİLƏNİB

“Everton” ona görə pul ödəmədi

İngiltərə klubunda rekord transfer

Salah “Liverpul”un yeni rekordçusudu

Şamil Quliyev: “Ora yeni asfalt da çəkildi, işıq sistemi də yeniləndi” - AÇIQLAMA

Zidan Türkiyədə saç əkdirib?

Rauf Əliyev “Şamaxı”da oynayacaq

“Real” oyunçusunu İtaliyaya təmənnasız göndərəcək

Popoviç “Sumqayıt”a nə verdi? - KÖŞƏ

Qartallar PSJ-nin nəyinə lazımdı?

Rüstəm Əfsərli: "Hər üç klubumuzun oyunlarının yayınlanması ilə bağlı işlər görürük" - AÇIQLAMA

İngiltərə çempionundan daha bir transfer

"Qəbələ" superliqa klubu ilə bacarmadı

Polşa mətbuatı “Lex”in heyətini açıqladı

Daha bir kanal Çempionlar Liqasının matçlarını yayınlayacaq

Nərgiz Qurbanova “Lex” – “Qarabağ” matçını izləyəcək? - AÇIQLAMA

Blatter: “İnfantino yalnız məni deyil, həm də mənim FİFA üçün gördüyüm işləri məhv etmək istəyir”

Fərid Nəbiyev "Kəpəz"lə müqavilə bağlayıb? - Meneceri açıqladı

“Barselona” oyunçusuna 1 milyard avro qiymət qoydu

Ramiz Məmmədov “Qarabağ”la bağlı narahatdı - AÇIQLAMA

Yunis Hüseynov: “Qorxmaq lazım deyil"

Bütün xəbərlər