Georgi Kantariya: “Düşünürəm ki, uyğunlaşma daha sürətli gedəcək”
“Şamaxı” intensiv şəkildə premyer-liqanın yeni mövsümünə hazırlaşır.
Ayxan Abbasovun gəlişindən sonra komandaya cəlb edilənlərdən biri də Georgi Kantariya oldu. 27 yaşlı gürcü futbolçu ötən ayın son günündə futbolçu sabiq komandası ilə çempionluq sevincini yaşadı. İyulun 7-də isə Azərbaycana gəldi. Bəs futbolçu düşərgədə necə qarşılanıb? Təəssüratını öyrəmək üçün Kantariya ilə əlaqə saxladıq. Həmsöhbətim əvvəlcə çempionluq hislərini bizimlə bölüşdü:
“Özümü çox yaxşı hiss edirəm və çempion ola bildiyim üçün özümlə fəxr edirəm. 10 il idi çempionluq gözləyən bütün insanlara, azarkeşlərə sevinc bəxş etmək gözəl idi. Hamı mənlə isti sözlərlə sağollaşdı, uğurlar arzuladı”.
İkinci dəfə ölkəmizdə legioner həyatı yaşayacaq Georgi “Şamaxı” ilə bağlı təəssüratını da “football-plus.az”a danışdı:
“Həmişə Azərbaycanla bağlı çox gözəl xatirələrim var. Köhnə dostlar zəng edib təbrik edir, uğur arzulayırdılar. Gəldim və tibbi yoxlamadan keçib, düşərgəyə yollandım. Komandada ilk günümdə hamı ilə görüşdüm. Məni çox isti qarşıladılar, düşərgədə yaxşı ab-hava var. Futbol oynamaq üçün hər şey var və dərhal peşəkarlığı görə bilmək olur. Düşünürəm ki, uyğunlaşma daha sürətli gedəcək”.
RÖYANƏ OĞUZ
Digər xəbərlər
