''Türkiyə evinə qayıdır. Bəlkə mən nəyisə qarışdırıram? Bəlkə biz evə dönürük? Elə ab-hava var ki, sanki Türkiyə turnirə davam edir, biz isə mübarizəni dayandırırıq. Unutmayaq ki, biz bu qrupdan lider kimi çıxdıq. Gözləntiləri doğrultduq. Bəzən pley-offu təmin edən favoritlər üçün belə durumlar yaranır. Almaniya ilə Ekvadorun oyununda da bunu gördük. Qarşımızda itiriləsi bir şeyi qalmayan bir komanda var idi. Təbii ki, qalib gəlmək əla olardı. Amma zədə və cəza risklərini nəzərə alaraq heyətdə bəzi dəyişikliklər etmişdim. Artıq pley-off haqda düşünürük və növbəti mübarizəyə hazırıq. Qrupdakı çıxışımızdan razıyam. Son oyunda uduzsaq da, liderliyi əldən vermədik. Amma qəribədi ki, indiyə kimi bir təbrik eşitməmişəm. Bizi qrupda birinci olmağımız münasibətilə heç kim təbrik etməyib! Oyunçuları da, komandanın işçilərini də, futbolçuları da təbrik edirəm. İnsan daim öyrənir. Bu günkü məğlubiyyət də bizə çox şey öyrətdi. Bəzi futbolçularımız ilk dəfə DÇ-də oynadı. Qrupda 3 oyunu qazanmaqla tarixə düşmürsən. Tarixə DÇ-ni qazandıqda düşürsən. Qrupda hər 3 matçı qazanmaq həyati əhəmiyyət kəsb etmir. Qrupda hədəf pley-offa yüksəlməkdi və biz də bu hədəfə çatdıq. Konkret bu matçda yaxşı potensiala və istedadlı futbolçulara malik olduğumuzu göstərsək də, 3 xal Türkiyənin oldu''.