Yeniyetmə cüdoçulardan ibarət millimiz 2023-cü il Avropa Gənclər Olimpiya Festivalının (EYOF) fərdi yarışlarında birinci yeri tutublar.
"Football-plus.az" xəbər verir ki, yığma 3 qızıl, 2 gümüş, 4 bürünc medal qazanaraq, buna nail olub.
Komandamızın EYOF 2023-də əldə etdiyi medal sayı bu il ən yaxşı ikinci nəticədi. İdmançılar ötən ay Portuqaliyada keçirilən Avropa çempionatının medal sıralamasında da birinci yerdə qərarlaşıblar.
Builki çıxış medal əyarına görə indiyə qədər EYOF yarışlarında əldə edilən ən yaxşı ikinci nəticədi. 2007-ci ildə keçirilən turnirdə cüdoçular 4 qızıl medal qazanıblar.
Qeyd edək ki, yeniyetmə cüdoçular arasında dünya çempionatı avqustun 23-27-si aralığında Xorvatiyanın paytaxtı Zaqrebdə keçiriləcək.