''Yuventus''un üzvünün atası küçələrdə yaşayır!
Karyerasına ''Yuventus''da başlayan, daha sonra ''Verona'', PSJ, ''Everton''da top qovaraq bu mövsüm yenidən Turin nəhənginə qayıdan Moyze Kin İtaliya mətbuatında gündəm olub.
"Football-plus.az" xəbər verir ki, daha doğrusu gündəmi yaradan onun atasının sözləri olub. 23 yaşlı hücumçu bu mövsüm 34 rəsmi oyuna cəmi 7 qol vurub. Bu performans onun yığmaya çağırılması üçün kifayət etməyib. Roberto Mançini bu dəfə açıqladığı heyətə Kini salmayıb. ''Juvenews.eu'' saytının əməkdaşları bu futbolçunun yığmadan kənar qalması haqda onun atası Byoru Jan Kin ilə danışmaq qərarına gəliblər. Amma futbolçunun atası əsas mövzudan kənara çıxaraq müzakirələrə səbəb olan açıqlamalar verib:
''Moyze Kin təbii ki, mənim oğlumdu. Amma onun haqda heç bir məlumatım yoxdu. Bir müddət öncə ''Yuve''nin idman direktoru Pavel Nedved ilə görüşə getmişdim. Bir dəfə danışdıq və davamı gəlmədi. Mən bir aydan çoxdu evsizəm. Oğlumla bağlı kiməsə informasiya vermək niyyətim yoxdu. Nə mətbuata, nə də ictimaiyyətə. Mənə görə heç kim narahat olmadı. Mən nə üçün kimə görəsə narahat olmalıyam? İndi küçədəyəm və özümə yaşamağa yer axtarıram. Başqaları haqda informasiya vermək, kimin yanlış, kimin doğru hərəkət etdiyinə qərar vermək mənlik deyil. Fossanonun bələdiyyə sədri də mənim durumumdan xəbərdardı və o da mənə ev axtarır. İnanmırsızsa, özündən də soruşa bilərsiz''.
Digər xəbərlər
