Bir çox nəşrlər kimi İngiltərənin məhşur ''Qardian'' nəşri də ilin oyunçusunu seçir.

Bu nəşr bu həftə 2022-ci ilin ən yaxşı 100 oyunçusunun adını açıqlayacaq.

Bu dəfə jüri heyətinə maraqlı simalar dəvət edilib. Onlardan biri türkiyəli Fatih Terimdi. ''Qalatasaray'' və Türkiyə futbolunun əfsanəsindən başqa ''Çelsi''nin sabiq çalışdırıcısı Avraam Qrant, eləcə də gənc islandiyalı Maqnus Mar Eynarsson ilin ən yaxşı futbolçu seçimində iştirak edəcək. Jüri heyətinə sabiq futbolçulardan Patrik Andersson, Maykon, Juninyo Pernambukano kimi məşhurlar, eləcə də dünyanın dörd bir tərəfindən idman jurnalistləri dəvət olunub.

Səsvermənin nəticələri bu gündən etibarən açıqlanmağa başlayacaq. Bu gün 100-71-ci pillələr, sabah 70-41-ci pillələr, cümə axşamı 40-11-ci pillələr bəlli olacaq. ''Qardian''ın versiyasına görə 2022-nin ən yaxşı 10 futbolçusunun adına isə cümə günü aydınlıq gələcək.

Qeyd edək ki, bu nəşrin son 2 ildəki sorğusunda Robert Levandovski qalib olub.