Dünyanın ən məhşur digital meyda platformalarından sayılan ''Netfliks'' ''Qalatasaray'' və Türkiyə futbolunun əfsanəsi Fatih Terim haqda sənədli film çəkib.

Football-plus.az xəbər verir ki, ekran işini sentyabrın 15-də yayınlanacağı açıqlanıb. ''Netfliks''in filmlə bağlı afişasında bəzi maraqlı məqamlar diqqəti çəkir. ''Futbolçu, kapitan, məşqçi, ata, baba, imperator Fatih Terim sentyabrın 15-də yalnız ''Netfliks''də” sözləri ilə tanıdılan filmi bütün ''Qalatasaray''lılar başda olmaqla futbolsevərlər böyük maraqla gözləyir. Bu arada ünlü mütəxəssisin filminin afişasına İtaliyada da rast gəlmək mümkündü. Florensiyada nəhəng bir reklam lövhəsinin üzərinə ''Terim burda idi'' sözü yazılıb və filmin ekranlara çıxacağı tarix qeyd olunub.

Bilindiyi kimi, ''İmperator'' İtaliyada ''Milan'' və ''Fiorentina''nı çalışdırıb. 1996-2022-ci illəri əhatə edən filmin ilk fraqmenti də yayınlanıb. ''Goya Entertainment''in dəstəyi ilə araya-ərsəyə gətirilən filmin ssenari müəllifi Altuğ Gültan, rejissoru isə Burak Aksoydu.