Fransız futbolçu gələcəyi haqda heç nə bilmir
Adrien Rabyo ona gələcəyi ilə bağlı ünvanlanan sualı cavablaya bilməyib.
Football-plus.az xəbər verir ki, son vaxtlar onun “Yuventus”u gələn yay tərk edəcəyi haqda xəbərlər səngimir. Fransa yığmasının yarımmüdafiəçisi bu məsələyə belə reaksiya verib:
“Gələcəkdə nə baş verəcəyini bilmirəm. İndiki məqamda “Yuventus”da qalacağımı deyə bilmərəm. Hazırda bu mövzunu müzakirə etməyin yeri deyil. Aydın məsələdi ki, son aylardakı çıxışım mənə istənilən kluba keçmək və ya “Yuventus”la müqaviləmi yeniləmək imkanı verir”.
