Dünya çempionatının qrup mərhələsinin ilk turunun oyununda Niderland Seneqalı 2:0 hesabı ilə məğlub edib.

Football-plus.az xəbər verir ki, görüş "narıncılar"ın kapitanı Vircil van Dayk üçün əlamətdar olub. Belə ki, o, dünya çempionatının final mərhələsində ilk matçını keçirib.

Bu, həm də 31 yaşlı müdafiəçi üçün yığmada 50-ci oyun olub. Van Dayk milli komandada debütünü 2015-ci ildə Avropa çempionatının seçmə mərhələsinin Qazaxıstanla matçında (2:1) edib.