Upamekano qışqırmağı opera müğənnisindən öyrənib
''Bavariya''nın mərkəz müdafiəçisi Dayo Upamekano maraqlı etirafı ilə diqqət çəkib.
Football-plus.az xəbər verir ki, fransalı futbolçu bildirib ki, komanda yoldaşlarına ucadan göstərişlər vermək və səsinin daha yaxşı eşidilməsi üçün bir neçə il öncə opera müğənnisinin yanına məşqə gedibmiş: '
"Lap gənc yaşlarımda ünsiyyət qurmaqla bağlı problemlərim var idi. Bəlkə də bu, yeni bir şey deyil. Amma düşündüm ki, həm səs tembrimi artıra, həm də komanda yoldaşlarıma daha yaxşı göstərişlər verə bilmək üçün məşq etməliyəm. Buna görə də operada işləyən müğənnilərdən birinin yanına getməyə başladım. Ayrı-ayrı sözləri sizə deyə bilməyəcəm. Amma orda elə sözlər var idi ki, onları təkrarlamaq həddən artıq çətin idi. Mən həmin sözləri yüksək səslə dəfələrlə təkrarlamalı olurdum. Səsimi elə həddə çatdırmalı idim ki, o, 90 dəqiqə qışqırmağa tab gətirə bilsin. Biz bəzən mahnılar da oxuyurduq. Çox maraqlı bir təcrübə yaşamışdım. Müdafiəçi üçün qışqırmaq qabiliyyəti və liderlik keyfiyyəti çox önəmlidi. Amma bunu qışqırmaq xətrinə yox, komandanı idarə etmək xətrinə etməlidi. Çünki müdafiəçi hamıdan arxada olur və meydanda nə baş verdiyini görür''.
Digər xəbərlər
