İnyestadan depressiya etirafı
Hələ də karyerasını davam etdirən və 2018-də ''Barselona''dan ayrıldıqdan bu yana Yaponiya təmsilçisi ''Vissel Kobe''nin şərəfini qoruyan Andres İnyesta son etirafı ilə diqqət çəkib.
"Footbal-plus.az" xəbər verir ki, o, 2009-cu ildə 26 yaşında ikən ürək tutmasından dünyasını dəyişən yaxın dostu, ''Espanyol''un müdafiəçisi Dani Xarkenin ölümündən sonra ciddi depressiyaya düşdünüyü vurğulayıb. Bilindiyi kimi İnyesta DÇ-2010-nun finalında həmin o məhşur qələbə qolunu vurduqdan sonra formasının altında Xarkeyə ünvanlanmış sözlər göstərmişdi. Hazırda 38 yaşı olan İnyesta bunları deyib: "O qədər depressiyaya düşmüşdüm ki, az qala hər gün sakitləşdiricilər qəbul edib günün ən gözəl vaxtında yatmağa çalışırdım. Sanki yaşamaq həvəsim qalmamışdı. Həyat yoldaşımı qucaqlasam da, sanki yastığı qucaqlayırdım. Heç nə hiss etmirdim. Bəzən indi də psixoloq yanına gedirəm. Peşəkarların psixoloji xəstəliklər və depressiya barədə danışdıqlarını dinləmək çox xoşuma gəlir. Vaxt ötdükcə anlayırsan ki, həyatda hər kəs bu cür problemlərlə qarşılaşa bilər. Bunun sənin pullu olub-olmamağın ilə əlaqəsi yoxdu. Hər şeyə sahib ola bilərəm. Amma həyatın problemləri ilə qarşılaşmaq hələ də çətindi''.
Digər xəbərlər
