“Bavariya”nın müdafiəçisi Lukas Ernandes də zədələnib.

26 yaşlı futbolçu Çempionlar Liqasının qrup mərhələsinin 2-ci turu çərçivəsində "Barselona"ya 2:0 hesabıyla qalib gəldikləri oyunda sıradan çıxıb. Qarşılaşmadan sonra tibbi müayinədən keçən fransalı oyunçunun əzələsində problem aşkarlanıb. Münhen klubunun rəsmi saytı Ernandesin bir neçə həftə yaşıl meydandan kənarda qalacağını açıqlayıb. Xatırladaq ki, Ernandes "Barselona" ilə görüşdə komandasının ilk qolunun müəllifi olub. Münhenlilərin bu oyunda zədələnən digər oyunçularının - Benjamin Pavarla Dayo Upamekanonun durumunun isə yaxşı olduğu bildirilir. Onlar qısa zamanda komanda ilə məşqə başlayacaq.