Bu gün Avropa Liqasının qrup mərhələsinin 2-ci turuna start verilib.

Turnirdəki yeganə təmsilçimiz “Qarabağ” “Nant”ı qəbul edib. Ağdamlılar böyükhesablı qələbə qazanıb.
Avropa Liqası
G qrupu, 2-ci tur
Qarabağ - Nant (Fransa) 3:0
Qollar: Ovusu Kvabena, 60, Abdullah Zubir, 65, Marko Yankoviç, 73
Hakimlər: ENEA YORQYİ, Denis Rexha, Ridiger Çokaj, Juxhin Xhaja (hamısı Albaniya).
VAR hakimi: Luka Pairetto (İtaliya).
VAR hakiminin köməkçisi: Cakomo Paqanessi (İtaliya).
“Qarabağ”: 1. Şahruddin Məhəmmədəliyev, 13. Bəhlul Mustafazadə, 29. Marko Veşoviç, 55. Bədavi Hüseynov, 2. Qara Qarayev (k), 8. Marko Yankoviç, 10. Abdullah Zubir, 20. Kadi Borqes, 11. Ovusu Kvabena, 19. Filip Ozobiç, 44. Elvin Cəfərquliyev
Ehtiyat oyunçular: 23. Luka Quqeşaşvili, 89. Amin Ramazanov, 30. Abbas Hüseynov, 15. Leandro Andrade, 18. İsmayıl İbrahimli, 22. Musa Qurbanlı, 90. Nəriman Axundzadə, 6. Julio Romao, 7. Riçard Almeyda, 77. Ramil Şeydayev, 27. Toral Bayramov
Baş məşqçi: Qurban Qurbanov
“Nant”: 1. Alban Lyafon, 2. Fabio, 4. Nikolya Pallua, 8. Samüel Mutussami, 10. Lüdovik Blas, 14. İqnatius Qanaqo, 31. Mustafa Məhəmməd, 21. Jan-Şarl Kastelletto, 24. Sebastyan Korşya, 17. Mussa Sissoko, 27. Moyzes Simon
Ehtiyat oyunçular: 16. Remi Deskam, 30. Denis Petriç 11. Markus Koko, 55. Abdul-Kader Bamba, 3. Andrey Cirotto,5. Pedro Çirivelya, 7. Evann Gessan, 12. Dennis Appia, 29. Kenten Merlen
Baş məşqçi: Antuan Kombuare
15 sentyabr. Bakı. Tofiq Bəhramov adına Respublika stadionu. Saat 20.45

“Qarabağ” Avropa Liqasının qrup mərhələsinə uğursuz başlayıb. Azərbaycan çempionu Almaniyada “Frayburq”a uduzub – 1:2. Lakin etiraf edək ki, belə güclü rəqiblə qarşılaşmada da “köhlən atlar” yaxşı oyun nümayiş etdirdi. Qarşıda nisbətən zəif rəqiblə ev oyunu var. Bu görüşdə ağdamlılar xal və ya xallar qazanmağa ümid edə bilər. “Nant” isə ilk turda “Olimpiakos”u qəbul edib. Bərabər səviyyədə keçən qarşılaşmanın 3-cü uzatma dəqiqəsində meydan sahibləri qələbəni rəsmiləşdirib. Amma səfərdə fransızlar çox zəifdi. Cari mövsüm heç qələbə də qazanmayıblar. Ümid edək ki, qarşıdakı oyun da istisna olmayacaq. Komandalar öz çempionatlarında həftəsonu fərqli nəticələr göstərib. “Qarabağ” “Sabah”a 4:3 hesabıyla qalib gəlibsə, “Nant” səfərdə “Loryan”dan xal ala bilməyib – 2:3.

“Qarabağ”ın avrokubokların təsnifat mərhələlərindəki ev oyunlarını yetərincə inamlı keçirdiyini qeyd etmək lazımdı. “Lex”i 5:1, “Sürix”i 3:2 hesabı ilə yenən komanda “Ferensvaroş” (1:1) və “Viktoriya” (0:0) ilə heç-heçə oynayıb. “Nant” isə cari mövsümün 5 səfər matçında qələbə görməyib: 3 məğlubiyyət və 2 heç-heçə. Amma Ağdam təmsilçisinin heyətində ciddi itikilər var. Qurban Qurbanov müdafiə xəttini formalaşdırmaqda problem yaşaya bilər. Kevin Medina, Bədavi Hüseynov, Maksim Medvedev və Rahil Məmmədov zədəlidi. Düzdü, kolumbiyalı müdafiəçi özünü meydana çıxmağa hazır sayır. Lakin görünən odu ki, 50 yaşlı mütəxəssis rotasiya etmək məcburiyyətində qalacaq. Yəqin ki, həmişə sınanan sistemdən faydalanılacaq. Yəni Qara Qarayev mərkəz müdafiəçisi kimi çıxış edəcək. İstənilən halda Bədavi və ya Medina oynamağa hazır olmasa, Qurbanov bu sistemdən istifadə edəcək. Heyətlə bağlı başqa problem yoxdu. “Frayburq”la meydanda olan futbolçuların “Nant”a qarşı da mübarizə aparacağını söyləmək mümkündü.

Maraq üçün qeyd edək ki, bu, Azərbaycan klublarının sentyabrın 15-də keçirdiyi 3-cü avrokubok matçı olacaq. Təmsilçilərimiz indiyədək yalnız 2016-cı ilin bu günündə meydana çıxıb. “Qarabağ”la “Qəbələ” qrup oyununu keçirib. Maraqlıdı ki, hər iki görüşdə 4 qol vurulub.

Avropa Liqası
“Qarabağ” – “Slovan” 2:2
“Anderlext” – “Qəbələ” 3:1
Görüşü Albaniyadan olan Enea Yorqyi idarə edəcək. 38 yaşlı referi daha əvvəl də Azərbaycan klublarının oyununa təyinat alıb. 2019-cu ilin yayında Avropa Liqasının 2-ci təsnifat mərhələsinin "Arsenal" (Tula/Rusiya) - "Neftçi" matçını idarə edib ki, "ağ-qaralar"ın minimalhesablı (1:0) qələbəyə sevinib. Referi bu matçda 5 sarı vərəqə göstərib. Bunların 3-ü flaqmanın, 2-si isə Tula təmsilçisinin oyunçularına göstərilib. Albaniyalı 2021-ci ilin yayında "Keşlə"nin (indiki "Şamaxı") Konfrans Liqasının 2-ci təsnifat mərhələsinin "Soçi" (Rusiya) ilə ilk oyununu idarə edib. Həmin matç təmsilçimizin 0:3 hesablı məğlubiyyəti ilə başa çatıb. Yoryqi bu görüşdə də 5 sarı vərəqə göstərib. Bunların 3-ü Azərbaycan, 2-si isə Rusiya klubunun futbolçularına göstərilib.

Qarşılaşma birdəqiqəlik sükutla başlaya bilərdi. Təbii ki, UEFA icazə versəydi. Bunu “Qarabağ”ın baş məşqçisi Qurban Qurbanov açıqlayıb. Oyundan əvvəl keçirilən mətbuat konfransında mütəxəssis Azərbaycan - Ermənistan sərhədində şəhid olan hərbiçilərimizə görə matçın sükutla başlaması üçün klubun UEFA-ya müraciət etdiyini söyləyib.

İLKİN SULTANLI