Mini-futbol yığmasının Rumıniya ilə final matçında yeganə qolunu vuran Seymur Məmmədov jurnalistlərin əhatəsinə düşdü.

Milli üzvü bir neçə sualı cavablandırmaqla kifayətləndi.

- Son matç haqda fikirlərin necədi?

- Bizim üçün ağır oyun oldu. Hamı bilirdi ki, Rumıniya 6 dəfə çempion olub. Çalışdıq və qələbə qazandıq. Şükürlər olsun, buna layiq idik.

- Ora gedəndə belə hiss var idi ki, çempion olacaqsız?

- Əlbətə, var idi. Bunun üçün əlimizdən gələn hər şeyi etdik.

- İlk dəfə milli komanda belə ciddi hazırlaşırdı. Çempionluq bu hazırlığın nəticəsidi?

- Demək olmaz ilk dəfə idi. 2018-ci ildə də getmişdik, lakin onda tam heyət yox idi. Təcrübəmiz də az idi. İndi rəhbərlik, dostlar tərəfindən nə lazımdısa, təşkil olundu.

- Finalda yeganə qolu sən vurdun. Hisslərini bilmək maraqlı olardı...

- Nə fikirləşəcəm? Hər şey Azərbaycan xalqı üçündü.

- Finaldan sonra azarkeşləri hava limanına çağırmışdın. Gördüklərindən razısan?

- Razıyam. Qardaşlar var olsun, gəldilər, bizə dayaq oldular.

- Rumınlara ilk oyunda uduzsaz da, həlledici matçda onları məğlub etdiz.

- İlk qarşılaşmadan nəticə çıxardıq və finalda onları məğlub etdik.

İLKİN SULTANLI