Elmejor mövsümün ən yaxşı iki oyunçusunu bir araya gətirəcək - VİDEO
Fərdi qaydada məşqçilik edən Elmejor futbolçularla "challenge" təşkil etməyə başlayıb.
Şəhriyar Əliyev və Məhəmməd Mirzəbəyov ilə birlikdə maraqlı məşq prosesi həyata keçirilib. "Challenge" barədə daha geniş məlumat almaq üçün Elmejorun özü ilə əlaqə saxladıq:“Məqsədimiz odu ki, eyni mövqedə oynayan futbolçularla maraqlı bir "challenge" edək. Azərbaycanda gənclər üçün bu proqramı açmaq istəyirik. Dünyanın bir çox ölkəsində fərqli "challenge” var. Bizdə gənc futbolçular üçün bunu etmək istəyirik. Məşqçilər gəlir, futbolçulara maraqlı məşq keçir. Futbolçuların keyfiyyətini maraqlı şəkildə üzə çıxarmaq istəyirik".
Elmejor bizə məşqlərin forması haqda da danışdı: “Sürət məşqləri ola bilər, dəqiqlik məşqi də ola bilər, topa nəzarət məşqi də ola bilər. Bu istiqamətlərin hər birinə aid müxtəlif "challenge" yaratmaq istəyirik”.
Maraq bizə güc gəldi və məşqçidən növbəti videolarda kimləri görə biləcəyimizi soruşduq:
“Məncə, bunu deməsəm, yaxşıdı. Maraqlı və keyfiyyətli işlər olacaq. Sürpriz olsun. Məsələn, növbəti videomuz Tural Rzayev (Kəpəz) və Orxan Əliyev (Araz-Naxçıvan) ilə olacaq. Bu mövsümün ən yaxşı iki oyunçusunu da bir araya gətirəcəyik. Hər kəsi izləməyə, əylənməyə dəvət edirəm”.
GÜNAY VƏLİYEVA
Digər xəbərlər
