“Sabah” bu gün Çempionlar Liqasının 1-ci təsnifat mərhələsinin cavab görüşündə “Nyu Seynts”in qonağı olacaq. “Park Holl”da keçiriləcək qarşılaşma Bakı vaxtı ilə saat 21.30-da başlayacaq.

“Football-plus.az” xəbər verir ki, artıq bukmeker kontorlarının bu oyunla bağlı əmsalları açıqlanıb. Rəqəmlər “Bank Respublika Arena”da keçirilən ilk qarşılaşmada 2:0 hesablı qələbə qazanan “bayquşlar”ın aşkar favorit olduğunu deyir.

Sizi “Misli”nin oyun üçün müəyyənləşdirdiyi əmsallarla tanış edirik.

“Nyu Seynts”in qələbəsi: 4,85
Heç-heçə: 3,96
“Sabah”ın qələbəsi: 1,52

Xatırladaq ki, Masazır təmsilçisi tarixində ilk dəfə bu turnirdə çıxış edir.

KƏNAN BAHADIR