Azərbaycanlı idman vəkili beynəlxalq təşkilata üzv oldu - AÇIQLAMA
“Sumqayıt”ın hüquqşünası Elcan Həsənli beynəlxalq təşkilata üzv olub.
Bu məlumatı “Football-plus.az” saytına hüquqşünasın özü verib. Həsənli İSLA adlanan quruma üzv olmağının Azərbaycan üçün uğurlu olacağını düşünür: “Beynəlxalq İdman Hüquqşunasları Assosiasiyasına üzv qəbul oldum. Qurum bu istiqamətdə yeganə təşkilatdı. 20-dən çox dövlətin hüquqşünası təmsil olunur. Bu təşkilata qəbul olmaq çox çətindi. İdarə Heyəti, özlərinə məxsus şərtləri və qaydaları var. Əsas məsələ bu sahədə təhsilin olmasıdı. Ən azı idman hüququ sahəsində magistr təhsilin olmalıdı. Öz ölkəndə hüquqşünas kimi fəaliyyət göstərməlisən. Bundan başqa, böyük məbləğdə üzvlük haqqı da ödəməlisən ki, səni qəbul etsinlər. Təşkilatın əsas məqsədi beynəlxalq idman hüququnu inkişaf edirməkdi. Bura üzv olmaqla təcrübə əldə edib, Azərbaycanda tətbiq etmək istəyirəm. Düşünürəm ki, ölkəmizdə yeni yaranan idman hüququ üçün uğurlu olacaq. Ümid edirəm ki, üzvlüyüm qurumun tədbirlərinin Azərbaycanda keçirilməsinə təkan verə bilər. Təşkilatın adı İSLA-dı. İsveçrənin Sürix şəhərində yerləşir. Ümid edirəm ki, bir gün kimsə qurumun İdarə Heyətinin tədbirlərində iştirak edə biləcək. Gələcəkdə İdman Arbitaj Məhkəməsində hakim olmaq məqsədim var. İnşallah, bu təşkilata üzv olmağım buna kömək olar”.
İLKİN SULTANLI
Digər xəbərlər
