“...evdə mərhələ adlamaq gücündəyik!” – “Nyu Seynts”dən “Sabah”a meydan oxuyan paylaşım
“Sabah”ın Çempionlar Liqasının 1-ci təsnifat mərhələsindəki rəqibi olan “Nyu Seynts” bu gün keçiriləcək cavab oyunuyla bağlı afişa yayınlayıb.
“Football-plus.az” xəbər verir ki, yazı klubun rəsmi saytında –“tnsfc.co.uk”da işıq üzü görüb. Yazıda ilk oyunla bağlı xatırlatmalara, cavab matçı barədə gözləntilərə yer verilib:
“Komandaların ötən həftə qarşıladığı oyun “Nyu Seynts”in güclü müdafiə oyunuyla yadda qalsa da, məğlub olduq. Meydan sahibləri ikinci yarıda vurduğu qollarla səfər oyunundan əvvəl önəmli üstünlük əldə etdilər. Ancaq evdə mərhələ adlamaq gücündəyik! Bu yöndə artıqlamasıyla şansımız var. Çünki “Park Holl” bizimdi, burda az sayda matçda uduzmuşuq. Bilet alın və bizi dsətəkləməyə gəlin. Amma stadiona təşrif buyurmaq alınmırsa, oyun “Sgorio”nun rəqəmsal platformalarında canlı yayınlanacaq”.
Xatırladaq ki, oyun Bakı vaxtı ilə saat 21.30-da başlayacaq.
KƏNAN BAHADIR
Digər xəbərlər
