''Barsa''da çalışdığım 16 aylıq dönəmdə başımıza gələnlərdən bir kitab yaza bilərəm. Koronavirusun yaratdığı çətinliklər azmış kimi bir müddət prezidentsiz qaldıq və yeni oyunçular ala bilmədik. Ən əsası Messini də itirdik. ''Transfer pəncərəsi''nin son günündə Qrizmann da ayrıldı. Lük de Yonqun transferinə görə tənqid atəşinə tutuldum. Amma onun qolları komandaya 5-6 xal qazandırıb. ''Barsa''dakı fəaliyyətimin uğursuz alındığını düşünmürəm. Biz ötən mövsüm evdə ''Qranada''ya uduzmaqla La Liqada çempionluq uğrunda mübarizə aparmaq şansını itirdik. Amma əvəzində ölkə kubokunu qazandıq. Titul qazanmısansa, deməli həmin mövsüm ən azı uğursuz sayılmamalıdı. İndi ''Barsa'' demək olar mən ayrıldığım dönəmdəki vəziyyətdədi. Belə sadə müqayisələr aparmağı xoşlamasam da, dediyim odu ki, məşqçi dəyişikliyi heç də həmişə müsbət nəticə vermir. Düzdü, bəzi aspektlərdə komanda ''artırıb''. Çünki qış fasiləsində 3 yeni hücumçu transfer edildi. Amma mən ayrılanda xal fərqi 8 idisə, indi bu fərq az qala 2 dəfə artıb. Bu, Xavinin günahı deyil. Sadəcə komandada vəziyyət belədi. Evdəki ardıcıl məğlubiyyətlərin bir səbəbi var''.