"Turan Tovuz"un açıqlamasında AFFA və PFL əməkdaşlarının şərəf və ləyaqətinin alçaldılması ilə bağlı ifadə yoxdu" - Elcan Həsənli
Azərbaycan Vəkillər Kollegiyasının üzvü, idman sahəsində vəkil kimi fəaliyyət göstərən Elcan Həsənli "Turan Tovuz"un məlum bəyanat üzündən AFFA İntizam Komitəsi tərəfindən 20 min manat cərimələnməsinə münasibət bildirib.
"Football-plus.az" xəbər verir ki, tanınmış hüquqşünas sosial şəbəkə hesabındakı paylaşımda İntizam Komitəsinin səlahiyyətlərinin tənzimlənməli olduğunu yazıb. O, qurumun hüquqlarından sui-istifadə etdiyini deyib. Sizi həmin fikirlərlə tanış edirik:
"Burda AFFA-nın İntizam Məcəlləsinin 47-ci maddəsinə baxmaq lazımdı. Həmin maddə AFFA və PFL əməkdaşlarının şərəf və ləyaqətinin alçaldılması adlanır.
47.1. Futbolçu geniş kütlə qarşısında və ya KİV-də AFFA və PFL əməkdaşlarının şərəf və ləyaqətini alçaldarsa və ya onları təhqir edərsə, həmin oyunçu 5 oyun matçlardan kənarlaşdırılır və klub 10000 (on min) manat məbləğində cərimə edilir.
47.2. Bu hərəkətləri rəsmi şəxs edərsə o, matçlardan 10 oyun kənarlaşdırılır və klub 20000 (iyirmi min) manat məbləğində cərimə edilir.
"Turan Tovuz"un açıqlamasında isə AFFA və PFL əməkdaşlarının şərəf və ləyaqətinin alçaldılması ilə bağlı ifadə yoxdu. İntizam Komitəsi eyni zamanda qərarında İntizam Məcəlləsinin 2.4-cü maddəsinə istinad edib. Həmin maddədə qeyd edilir ki, İntizam Komitəsi cəzanın növünü təyin edərkən yüngülləşdirici və ağırlaşdırıcı halları nəzərə ala bilər. Müvafiq əsasnamə və reqlamentlərdə hər hansı bir məsələ üzrə qaydalar mövcud deyilsə, onda İntizam Komitəsi hüquq və ədalət prinsiplərinə əsaslanaraq qərar qəbul etmək hüququna malikdi.
Bu maddə ümumilikdə İntizam Komitəsinə çox geniş səlahiyyətlər verib. Yəni İntizam Komitəsi İntizam Məcəlləsində olmayan istənilən məsələ ilə bağlı qərar verə bilər. Təbii ki, bu yolvərilməz və hüquqa uyğun olmayan bir əməldi. Hesab edirəm ki, bütün qayda pozuntuları İntizam Məcəlləsində öz əksini tapmalıdı və klublar əvvəlcədən bilməlidilər ki, hansı əməli törətsələr, onları hansı cəza gözləyir. Bu hal AFFA İntizam Komitəsinin hüquqdan sui-istifadə etməsinə gətirib çıxarır. Təsəvvür edin, siz hansısa əməl törədirsiz və o əməl İnzibati Xətalar Məcəlləsində nəzərdə tutulmayıb, lakin inzibati orqan sizi həmin əmələ görə istədiyi məbləğdə cərimə edir..."
47.1. Futbolçu geniş kütlə qarşısında və ya KİV-də AFFA və PFL əməkdaşlarının şərəf və ləyaqətini alçaldarsa və ya onları təhqir edərsə, həmin oyunçu 5 oyun matçlardan kənarlaşdırılır və klub 10000 (on min) manat məbləğində cərimə edilir.
47.2. Bu hərəkətləri rəsmi şəxs edərsə o, matçlardan 10 oyun kənarlaşdırılır və klub 20000 (iyirmi min) manat məbləğində cərimə edilir.
"Turan Tovuz"un açıqlamasında isə AFFA və PFL əməkdaşlarının şərəf və ləyaqətinin alçaldılması ilə bağlı ifadə yoxdu. İntizam Komitəsi eyni zamanda qərarında İntizam Məcəlləsinin 2.4-cü maddəsinə istinad edib. Həmin maddədə qeyd edilir ki, İntizam Komitəsi cəzanın növünü təyin edərkən yüngülləşdirici və ağırlaşdırıcı halları nəzərə ala bilər. Müvafiq əsasnamə və reqlamentlərdə hər hansı bir məsələ üzrə qaydalar mövcud deyilsə, onda İntizam Komitəsi hüquq və ədalət prinsiplərinə əsaslanaraq qərar qəbul etmək hüququna malikdi.
Bu maddə ümumilikdə İntizam Komitəsinə çox geniş səlahiyyətlər verib. Yəni İntizam Komitəsi İntizam Məcəlləsində olmayan istənilən məsələ ilə bağlı qərar verə bilər. Təbii ki, bu yolvərilməz və hüquqa uyğun olmayan bir əməldi. Hesab edirəm ki, bütün qayda pozuntuları İntizam Məcəlləsində öz əksini tapmalıdı və klublar əvvəlcədən bilməlidilər ki, hansı əməli törətsələr, onları hansı cəza gözləyir. Bu hal AFFA İntizam Komitəsinin hüquqdan sui-istifadə etməsinə gətirib çıxarır. Təsəvvür edin, siz hansısa əməl törədirsiz və o əməl İnzibati Xətalar Məcəlləsində nəzərdə tutulmayıb, lakin inzibati orqan sizi həmin əmələ görə istədiyi məbləğdə cərimə edir..."
KƏNAN BAHADIR
Digər xəbərlər
