İntizam Komitəsinin iclası keçirildi

AFFA İntizam Komitəsi növbəti iclasını keçirib.

Football-plus.az PFL-in rəsmi saytına istinadən iclasda qayda pozuntuları ilə bağlı alınan qərarları təqdim edir.

Misli premyer-liqasının 22-ci turunun “Turan Tovuz” – “Kəpəz” oyununda “Turan Tovuz” azarkeşləri tərəfindən meydançaya kənar əşya atılmasına görə “Turan Tovuz” klubu 1600 manat cərimə edilsin ( maddə 51.1);

“Kəpəz” klubunun futbolçusu Orxan Sadıxlı birbaşa qırmızı vərəqə alaraq meydançadan kənarlaşdırıldığı üçün 2 oyun cəzalandırılsın və klub 1600 manat cərimə edilsin (maddə 36.1);

1-ci Divizionun 17-ci turunun “Qaradağ Lökbatan” – “Neftçi-2” oyununda meydança sulanmadığına görə “Qaradağ Lökbatan” klubu 80 manat cərimə edilsin (maddə 84);

“Neftçi-2” komandasının 6 oyunçusu sarı vərəqə ilə cəzalandığı üçün klub 80 manat cərimə edilsin (maddə 39);

17-ci turun “Zirə-2” – “Sumqayıt-2” oyununda “Sumqayıt-2” komandasının 4 oyunçusu sarı vərəqə ilə cəzalandığı üçün klub 80 manat cərimə edilsin (maddə 39);

17-ci turun “Mingəçevir” – “Zaqatala” oyununda “Mingəçevir” klubunun futbolçusu Elsevər Bəkirzadə təcavüzkar davranışa görə birbaşa qırmızı vərəqə alaraq meydançadan kənarlaşdırıldığı üçün 4 oyun cəzalandırılsın və klub 320 manat cərimə edilsin (maddə 37.3.);

“Zaqatala” klubunun nümayəndəsi iclasa gəlmədiyinə görə klub 80 manat cərimə edilsin (maddə 62.1).