''Beşiktaş'' camiəsində sıxıntılı dönəm davam edir. Məlum olduğu kimi ötən həftəiçi prezident Hasan Arat da daxil olmaqla bəzi yönəticilər istefa vermişdi. Daha sonra baş məşqçi Covanni van Bronkhorst da istefaya göndərilmişdi.

Hasan Aratdan sonra müvəqqəti olaraq prezident vəzifəsi ikinci başqan Hüseyin Yücələ keçdi. Amma Yücəlin baş məşqçi vəzifəsinə gətirmək istədiyi Sərgən Yalçından ''yox'' cavabını almasından, eləcə də camiədə bəziləri tərəfindən tənqid olunmasından sonra o, radikal qərar qəbul etdi. Belə ki, ''Beşiktaş''da yenə növbədənkənar prezident seçkiləri keçiriləcək. Yücəl də namizəd olacağını bildirib. Yəni o, yalnız klubun təlimatnaməsinə (prezident istefa verdikdə onun yerini ikinci prezident tutmalıdı) görə yox, həm də camiənin etimadını qazanaraq - səs çoxluğu ilə qalib gələrək prezident olmaq istəyir.

Təlimatnaməyə görə növbədənkənar seçkilər 1 ay ərzində baş tutmalıdı. Ona görə də ən gec dekabrın 29-da ''Beşiktaş''da seçkilər olacaq. Hələlik Yücəldən başqa rəsmi olaraq namizədliyini irəli sürən yoxdu. Baş məşqçi məsələsinə gəlincə, həmin tarixə qədər bu vəzifəni Sərdar Topraktəpə icra edəcək.

ƏLİ