'Beşiktaş''ın istefa vermiş prezidenti Ahmet Nur Çəbi dünən jurnalistlər üçün mətbuat konfransı keçirib.

"Football-plus.az" xəbər verir ki, dekabrın 3-də İstanbul nəhəngində növbədənkənar prezident seçkiləri keçiriləcək.

Hər kəs Çəbinin namizədliklə bağlı qərarını gözləyirdi. 64 yaşlı başqan ''bu saatdan sonra camiənin hüzura, qan dəyişikliyinə və yeni enerjiyə ehtiyacı var. Bu üzdən namizəd olmamağa qərar verdim'' deyərək geri çəkildiyini açıqladı.

Qeyd edək ki, daha öncə 2012-18-ci illərdə Fikrət Ormanın başqanlığı dönəmində ''Beşiktaş''da vitse-prezident kimi çalışmış Çəbi 2019-un oktyabrında keçirilən seçkilərdə 8644 səsin 5009-nu qazanaraq başqan seçilmişdi. Komanda onun dönəmində 2020/21-i 3 titulla tamamlamışdı. Çəbi ötən ilin mayında baş tutan seçkilərdə yenidən qalib gələrək ikinci dönəm üçün də başqan seçilmişdi. Son dönəmlərdə nəticələr ürəkaçan olmadığına görə fanatlar tez-tez onun istefasını tələb edirdilər. 1 ay öncə ''Luqano''ya evdəki şok məğlubiyyətdən sonra isə həm baş məşqçi Şenol Günəş vəzifəsindən ayrılmış, həm də Çəbi istefa verdiyini açıqlamışdı.

ƏLİ