Mövsümə istədiyi kimi başlaya bilməyən və radikal dəyişikliklərə getməli olan ''Beşiktaş''da növbədənkənar prezident seçkilərinin tarixi müəyyənləşib.

"Football-plus.az" xəbər verir ki, dünən baş tutan idarə heyətinin toplantısında bu məsələ müzakirə olunub. Klubdan verilən rəsmi açıqlamada seçkilərin dekabrın 10-da keçiriləcəyi, həmin gün yetərsay olmadığı təqdirdə bir həftə sonra, yəni dekabrın 17-də baş tutacağı qeyd olunub.

Xatırladaq ki, rəhbərlik Konfrans Liqasının qrup mərhələsinin 2-ci turunda evdə ''Luqano''ya 2:3 hesablı şok məğlubiyyətdən sonra önəmli qərarlar vermişdi. Baş məşqçi Şenol Günəş ilə yollar ayrılmışdı. Eləcə də başqan Ahmet Nur Çəbi istefa verərək növbədənkənar seçkilərin olacağını açıqlamışdı. Çəbinin hələ də seçkilərdə yenidən namizəd olub-olmayacağı bəlli deyil. Onun qarşıdakı günlərdə bununla bağlı rəsmi açıqlama verəcəyi gözlənilir

Hələlik yalnız bir nəfər — Hasan Arat namizədliyini rəsmən açıqlayıb.

ƏLİ