Premyer-liqada hansı kapitan LQBT-yə dəstək olmadı?
Premyer-liqada ötən həftəsonu oynanılan 13-cü turun maçlarında idmanda ayrı seçkilik probleminə diqqət çəkmək üçün ''Rainbow Laces'' kampaniyası çərçivəsində kapitanlardan LQBT-nin simvolu olan göy qurşağı rəngində sarğı taxmaq tələb olunmuşdu.
20 klubdan 19-nun kapitanı buna əməl etmiş və yalnız ''İpsviç''li Sem Morsi adi sarğı taxmaqla diqqət çəkmişdi. 33 yaşlı təcrübəli futbolçu İngiltərədə doğulsa da, əslən misirlidi və müsəlmandı. Bu üzdən LQBT mövzulu kapitan sarğısını taxmaqdan imtina etdi. Sosial şəbəkələrdə məsələnin birmənalı qarşılanmaması və çoxlu müzakirələrə səbəb olması üzündən ''İpsviç'' rəsmi bir bəyanat yaymalı olub. Orda bunlar qeyd olunub:
''İpsviç'' hər kəsə qarşı xoş niyyətli olmaqda qərarlıdı. Premyer-liqanın ''Rainbow Laces'' kampaniyasını dəstəkləməkdən qürur duyuruq. Amma eyni zamanda kapitanımız Sem Morsinin dini inanclarına görə bu rəng sarğını taxmaq istəməməsini də anlayışla qarşılayırıq. Həm meydanda, həm də ondan kənarda hər kəsə hörmət edildiyi, hər kəsin fikrinə dəyər verildiyi bir ab-hava yaratmaqda davam edəcəyik''.
ƏLİ
Digər xəbərlər
