“Əvəllər “Qəbələ”də oynamışam, rəhbərliklə münasibətim yaxşıdı. Buranı seçməyimdə əsasən baş məşqçi və kapitan ilə dostluq münasibətim rol oynadı. Kaxaber müəllim gənc yaşlarımda “İnter”də mənə çox inanır, şans verirdi. O vaxtdan bəri yaxşı münasibətimiz var. Sonra o, “qırmızı-qaralar”a keçdi. Bu yaxınlarda məni komandasında görmək istədiyini bildirdi, mən də müsbət yanaşdım. Ələlxüsus da kapitan dostum Asif Məmmədovum sözünü yerə salmadım və “Qəbələ”ni seçdim. İnanıram ki, yeni mövsüm mən və komanam üçün uğurlu olar”.