“Sabah”ın legioneri Jarl Marqaritayla yollarını ayıracağı haqda xəbərlər dolaşır. Hətta bəzi mənbələrin iddiasına görə, ayrılıq artıq rəsmiləşib.

“Football-plus.az” olaraq, mövzunu araşdırarkən bəlli oldu ki, futbolçu hələ də “bayquşlar”ın üzvüdü. Lakin klubla oyunçu arasında danışıqlar davam edir.

Belə ki, Masazır təmsilçisi kurasaolu ilə ortaq məxrəcə gəlməyə çalışır. Şərtlər isə sadədi. Marqarita ya klubdaxili etik məcəllənin şərtlərinə əməl etməlidi, ya da özünə başqa iş yeri tapmalıdı. Futbolçu isə bununla razılaşmır. Daha doğrusu, müqaviləsinin müddəti 2027-ci ilin yayında bitəcəyindən ona ödəniləcək təzminat məbləğiylə bağlı razılığa gəlmək istəyir. Klubun istəyi legionerə daha az pul ödəməklə yola salmaqdı. Hər halda, hadisələrin axarının nə ilə nəticələnəcəyi bu həftə bəlli olacaq.

Qeyd edək ki, Marqarita “Sabah”ın Sloveniyada keçirilən toplanışına qatılmayıb.

KƏNAN BAHADIR