Futzal üzrə millimiz DÇ-2024-ün elit raundunda sentyabrın 15 Rumıniya ilə səfərdə, 20-si evdə Niderlandla qarşılaşacaq.

"Football-plus.az" xəbər verir ki, bu oyunlardan əvvəl yığmamızın qapıçısı Rövşən Hüseynli jurnalistlərin suallarını cavablandırdı. Sizi əvvəlcə qolkiperin fikirləri ilə tanış edirik:

-Rəqiblər haqda nə deyə bilərsən?
- Düşünürəm ki, futzal artıq dünyada çox inkişaf edib. Zəif komanda deyiləm bir ifadə yoxdu. Hər kəs favoritdi. Rəqiblərimizdən Rumıniya fərqli oyun üslunu göstərən komandadı. Niderland seçməsi son Avropa Çempionatınına ev sahibliyi etdi və onlar da müəyyən təcrübə əldə etdilər. Qazaxıstan da son illər yuxarı pillələr uğrunda mübarizə aparır. Mənə elə gəlir ki, baş məşqçinin verdiyi tapşırıqları yerinə yetirə bilsək, yaxşı nəticələr qazana bilərik.

- Qarşınıza qoyulan hədəflər nədi?
- Acığı ümumi komanda şəklində toplanış olmayıb və hədəflər haqda danışmamışıq. Hazırda taktiki plan üzərində işləyirik. Hələ ki ilk oyuna çıxmamışıq. Yəqin ki, Rumıniya ilə matçdan əvvək belə bir söhbət olacaq. Biz də millinin üzvü olaraq çıxdığımız bütün oyunlarda qələbə qazanma istəyirik. Biz dünya çempionatına vəsiqə qazanmaq istəyiriksə, burda riyazi hesablama və digər şeylərə baxlamalıyıq. Yalnız və yalnız birinci yer düşünürük. İkincilik və pley-off haqda düşünməməliyik.

- Baş məşqçiniz şansların əlli-əlliyə olduğunu dedi. Sən bu haqda nə deyə bilərsən?
- Əvvəl dediyim kimi, artıq futzalda hər bir ölkə inkişaf eləyib. Hər bir millinin öz oyun üslubu var. Bundan əvvəl bir meydanda oynayırdıqsa, indi ev və səfər prinsipi var. Ev sahibi olan ölkənin şansları da çox olur. Düşünürəm ki, bəli, şanslar əlli-əlliyədi.

CAVİD ƏLİYEV