Tudor postunu tərk edəcək
İqor Tudor mövsümün sonunda “Marsel”in baş məşqçi vəzifəsini tərk edəcək.Bu barədə xorvat mütəxəssis özü açıqlama verib.
“Football-plus.az” xəbər verir ki, Tudor Liqa 1-in son turunun “Ayaçço” ilə oyunundan əvvəl keçirilən mətbuat konfransında belə deyib:
“Bu komandada işləmək, bu ailənin bir hissəsi olmaq, azarkeşlərlə görüşmək və xüsusi enerjisi olan bir şəhərdə olmaq mənim üçün şərəf idi. Mən vəzifəmdən şəxsi və peşəkar səbəblərdən ayrılmaq qərarına gəldim. Onu da bilin ki, başqa klubla razılığa gəlməyim haqda yayılan xəbər yanlışdı”.
45 yaşlı mütəxəssis “Marsel”i ötən ilin yayından çalışdırır. Onun komandası 37-ci turdan sonra 73 xalla Fransa çempionatında 3-cü yeri təmin edib. Bu yer marsellilərə gələn mövsüm Çempionlar Liqasında iştirak hüququ verir.
Digər xəbərlər
