Madridi tərk edəcək

David Alaba ilə bağlı bir neçə ay əvvəl yayılan xəbər doğru çıxıb.

"Football-plus.az" xəbər verir ki, təcrübəli futbolçu mövsümün sonunda “Real”dan ayrılacaq. Bu haqda İspaniya klubunun mətbuat xidməti məlumat yayıb. “Real” göstərdiyi xidmətlərə görə 33 yaşlı müdafiəçiyə təşəkkür edib və ona uğurlar arzulayıb.

Avstriyalı futbolçu 2021-ci ilin yayından Madrid klubunda oynayır. O, ötən müddət ərzində bütün turnirlərdə 131 oyun keçirib, 5 qol vurub və 9 məhsuldar ötürmə edib. Avstriyalı müdafiəçi “Real”la 2 dəfə İspaniya La Liqasının, 2 dəfə Çempionlar Liqasının, 1 dəfə UEFA Superkubokunun, 2 dəfə İspaniya Superkubokunun və 1 dəfə İspaniya kubokunun qalibi olub.