Stiv Klark Şotlandiya yığmasını daha uzun müddət çalışdıracaq.

"Football-plus.az" xəbər verir ki, baş məşqçi ilə müqavilə yenilənib. Yerli federasiyanın mətbuat xidmətinin xəbərinə görə, 62 yaşlı mütəxəssislə yeni sözləşmənin müddəti 2030-cu ilə qədər nəzərdə tutulub.

Klark milli komandaya 2019-cu ildən rəhbərlik edir. O, əvvəllər “Aston Villa”, “Liverpul”, “Çelsi”, “Nyukasl” və İngiltərənin digər klublarında çalışıb.
Şotlandiya yığması tezliklə start götürəcək dünya çempionatında C qrupunda Braziliya, Mərakeş və Haiti ilə qarşılaşacaq.