“Avropada oynamaq hədəfim hələ bitməyib. Amma mən yalnız Avropaya yollanmaq xətrinə Trabzonu tərk etmək istəmirəm. Burdan ayrılsam, ilk növbədə klubun mənafeyini düşünəcəm. Düzdü, çempion olduq və bir sıra kuboklar qazandıq. Amma mən yenidən bu hissi yaşamaq istəyirəm. İndi vəziyyət belədi ki, klubdan “get” desələr, gedəcəm, “qal” desələr, qalacam. Burdakı təzyiq və digər klubların bizə qarşı xüsusi motivasiya ilə oynaması baxımından “Trabzonspor”da uğur qazanmaq başqa klublarla müqayisədə daha çətindi. Çempionluq yarışından qopduğumuzu düşünmürəm. “Trabzonspor” heç vaxt hədəfsiz qalmayıb. Mövsüm uzundu. Üstəlik Türkiyə kubokunda da yolumuza davam edirik. Bu mövsüm “Fatih Karagümrük” və “Alanyaspor” önündə yaşadığımız ağır məğlubiyyətlər bizim üçün qırılma anları oldu. Psixoloji cəhətdən daha da gücləndik. Səfərdə uzun müddətdi qalib gələ bilmirik. Bu həftə Hatay səfərində bu uğursuzluğa son qoymaq istəyirik. Alanyada qeydə alınan nəticə təsadüf idi. Biz 5 top buraxacaq komanda deyilik. Sadəcə, bəzən qırılma anları olur. Abdulla Avcının “Trabzonspor”un başında Türkiyədə qazanacağı hələ çox titul var. Performansımı yaxşılaşdırıb yenidən yığmaya çağırılmaq, start heyətində oynamaq istəyirəm. Messinin o qədər böyük heyranıyam ki, dünya çempionu olmasına mən də ən azı onun qədər sevindim”.