Massimiliano Alleqri məhkəməyə üz tutub.

Football-plus.az xəbər verir ki, “Yuventus”un baş məşqçisi mənimsəmə və ailə öhdəliklərini pozmaqda ittiham etdiyi keçmiş həyat yoldaşı Klaudiya Uqidən şikayət edib.

Yerli mənbələrin xəbərinə görə, Alleqri qarşı tərəfi 11 yaşlı oğlu üçün ayrılan puldan özü və əvvəlki nikahından doğulan böyük qızının universitet xərcləri üçün istifadə etməkdə günahlandırır. 2019-2021-ci illərdə çəkilən mübahisəli xərclər sırasında karantin dövründə Livornoda ev almaq və maliyyə planında sərmayələr də var.

İstintaq prosesində Klaudiyanın vəkili pulun bütün ailəyə xərcləndiyini bildirib. Lakin maliyyə polisi tərəfindən aparılan təhqiqat nəticəsində qadının son illərdə keçmiş ərindən aldığı 600 min avronun 200 min avrodan çoxunun qanunsuz xərclərə sərf olunduğu ortaya çıxıb. Məhkəmə noyabrın 8-nə təyin edilib.