"Zirə" yoxlama oyununda "Qarabağ"a uduzdu - 3:4.

"Football-plus.az" xəbər verir ki, "qartallar"ın baş məşqçisi Rəşad Sadıqov oyundan sonra jurnalistlərin suallarını cavabladı.

- Düşündüyümdən də səmərəli oyun oldu. Toplanışa plandan əvvəl başladıq. Bu oyuna qədər vaxt az idi. Oyunçular yüksək peşəkarlıq göstərdi. İstədiyimizi aldıq.

- "Zirə" "Torpedo"nu təhlil etməyə başlayıb?
- Təbii ki. çempionatlarının davam etməsi və 16 günlük fasilə onlara daha çox üstünlük verir. Düşünürəm ki, bu matç iki eynisəviyyəli komanda arasında keçəcək. Həm onlar, həm də biz "Omoniya"ya məğlub olmuşuq... Tiaqo Silva və Ayron Qomisin komandada qalmasını istəyirdik. Fərqli qərar qəbul etdilər. Mən onlara hörmət edirəm. Uğurlar arzulayıram.

- “Zirə”nin tənqid olunması haqqında nə düşünürsüz? Bu məqam komanda üzərində təzyiq yaradıb?
- Qətiyyən təzyiq yaratmayıb. Azarkeşin düşünməsi normaldı. Bizim də etirazımız var. Biz bunu daha öncədən bilməliydik. Hamımız üzüldük. “Turan Tovuz”un dönməsini hər kəs istəyirdi. Rəqib olsaq da, onların uğur qazanmasını istəyirdik. Etirazlar olsa da, qərarlar dəyişməz qalır. Bizim avrokuboklarda iştirak haqqımız vardı. Lakin imtina etsək, cəza alacaqdıq. Həmişə istəyirik ki, uğurlu çıxış edək. Burda “Zirə”ni və digər komandaları tənqid edənlər doğru düşünmür.

- “Torpedo” ilə matça necə hazırlaşırsız?
- Qarşımızda ciddi rəqib var. 12000 azarkeş qarşısına çıxacağıq. “Hayduk” ilə matçda da azarkeş üstünlüyü təsir etdi

- Yeni transferlər olacaq?
- 7-8 transfer düşünürük. Lakin avrokuboklara qədər tələsmək istəmirik. Əlimizdə olanlarla davam etməli olacağıq.

- Bu gün iki yeni oyunçuya şans verdiz. Onları liqada görə biləcəyik?
- Onlar baxışdadı. Növbəti günlərdə qərar verəcəyik.

- Dünya çempionatında su fasiləsinin 3 dəqiqə olması faydalıdı?
- Məncə, faydalıdı. Bizdə də tətbiq olunmalıdı.

- Qardaş ölkə Türkiyə sizcə, niyə məğlub oldu?
- Türkiyənin uduzmasına məyus olduq. İstərdik ki, ən azından 1/16-ə qədər irəliləyə bilsinlər.

- Amillə Qismətin cinahları dəyişməsinin səbəbi nə idi?
- Bunu liqada da görəcəyik. İssanın zədəsi var. Bu səbəbdən dəyişdik. İssanın yoxluğunda ən yaxşı variant bu idi.