"Mundiala heç cür uyğunlaşa bilmədik. Futbolçu seçimləri yanlış oldu. Məsələn, Arda Gülərlə Hakan Çalhanoğlu oyun tərzinə görə bir-birinə bənzəyir. Amma Paraqvayla matçda ikisi də eyni anda meydanda oldu. Birini birinci, digərini ikinci hissədə oynatmaq olardı. Ümumiyyətlə, ikili mübarizələrdə zəif idik. Komandada arxayınlıq hiss olunurdu. Komanda onsuz da bütün rəqiblərdən güclü olduğunu düşünürdü. Həm Avstraliya, həm də Paraqvay müdafiə olunmağa daha çox üstünlük verdi. Ancaq gözlədikləri şans ələ düşən kimi bundan maksimum faydalandılar. Millimizdə rəqibdən adam azaldacaq, sıx müdafiə olunan komandaya zərbə endirəcək, havadan gələn topları başla "çərçivə"yə göndərəcək futbolçu yoxdu. Bunları görmək üçün məşqçi olmağa ehtiyac yoxdu. Odu ki, Montellaya indiyə qədər qazandığı uğurlara görə təşəkkür edib, yola salmaq lazımdı. Yeni məşqçilərə, futbolçulara ehtiyac var. Millidə yaşlı oyunçuların da sayı çoxdu. Başverənlər bir çox məsələnin adını qoydu. Montella getməlidi. Bəli, dürüst, çalışqan və xoşniyyətli insandı. Ancaq DÇ-2026 onun üçün ciddi uğursuzluq oldu”.

"Düzü, işsizəm. Bakıda istirahət edirəm. "Xankəndi" ilə bütün əlaqələr qopub. Komandanı bütün hədəflərinə çatdırdıq. Artıq 1-ci liqadadılar. Bundan sonra başqa komandalara kömək edə bilərəm".