"Qarabağ" "Zirə" ilə yoxlama oyununda qələbə qazandı - 4:3.

"Köhlən atlar"ın baş məşqçisi Qurban Qurbanov oyundan sonra jurnalistlərin suallarını cavabladı.

- İlk öncə xoş gördük. Oyuna gəlincə, çox istəyirdik ki, belə bir matç olsun. "Zirə" ilə danışdıq. Çox faydalı oyun alındı. Düzü, mən oyunçulardan razı qaldım. Bəzi probləmlər oldu. Ümümən, yaxşı oyun keçirdik. Yeni gələn oyunçular 30 dəqiqə oynadı. Ümid edirəm ki, qarşıdakı günlərdə daha fəal olacaqlar

- Yeni oyunçulardan razı qaldız?
- Yenilənmə hələ tam qane etmir. Ümumən pis getmir. Düşünmədiyimiz, istəmədiyimz variantlar da olur. Daha yaxşısını istəyirdim. Ümid edirəm, gələcəkdə daha yaxşı olacaq.

- Bir yoxlama oyununuzun ləğv olma səbəbi nədi?
- Ola bilər ki, 2-ci mərhələdə həmin komandayla oynayaq. Ona görə ləğv etdik.

- Komandadan daha çox oyunçu ayrıla bilər?
- Bəli.

- İslandiya komandası ilə qarşılaşmağın hansı mənfi tərəfləri var?
- Həm müsbət, həm də mənfi tərəfləri var. Düşünürəm ki, yaxşı formada çıxış edəcəyik. Bir neçə çatışmazlıq olacaq. İnanıram ki, tez bir zamanda aradan qaldıracağıq.

- Yeni oyunçular sizi qane edir?
- Hazırda pis deyil. Uyğunlaşmaq üçün vaxt lazımdı. Hər mövqe üçün oyunçularla danışıqlar gedir.

- Avrokuboklarda hədəf nə olacaq?
- Yenə əsas mərhələdə iştirak etmək istəyirik.

- Kamilo Duran cinaha keçdi. Onu həmin cinahda oynadacaqsız?
- Oyundan-oyuna dəyişir. Çox istərdim ki, seçimlərim faydalı olsun.

- Gələn mövsüm akademiyanın yetirmələrindən istifadə etməyi düşünürsüz?
- Maraqlı uşağlar var. Böyük ehtimalla, bizimlə qalacaqlar. Çox razı qaldığım bir neçə futbolçu var.

- Klubda 1 il idi, 5 nömrəli futbolçu yox idi. İndi isə 14 nömrə boş qalıb. O formanı yeni oyunçuda görə bilərik?
- Bəlkə də (gülür).