"Ola bilsin, yaxın günlərdə onlardan biri ilə razılığa gələk. İstədiyimiz futbolçular olur, keçid baş tutmur. Əvvəlki kimi çempionatı və ya maddi durumu bəhanə gətirirlər. Fərqli səbəblərdən istədiyimiz futbolçuları gətirə bilməmişik. Danışıqlar indi də gedir. Ümid edirik ki, qarşıdakı günlərdə irəliləyiş olar. Hücum xəttinə bir futbolçu qoşulacaq. Əvvəlcədən adını açıqlamaq istəmirəm. Xoşlayıram ki, hər şey dəqiqləşsin, daha sonra bunu bildirək".

"İndidən rəqibi təhlil edib, hazırlaşmaq psixoloji cəhətdən düzgün olmaz. Bakıda, son iki həftədə artıq daha çox rəqib və oyun planı haqda düşünəcəyik. "Makkabi"də baş məşqçi dəyişikliyi baş verib, yetərincə transferləri var. Ona görə hazırda rəqibin hansı oyun fəlsəfəsində olduğunu, əsas heyətdə kimlərin olacağını bilmirik. Gözləyirik, iyulun 13-də oyunları var. Həmin görüşdə “Makkabi”nin əsas heyəti və oyun fəlsəfəsi aşkar görünəcək. Məşqçilərini tanıyıram, işinə bələdəm. PAOK-un baş məşqçisi olduğu vaxtda "Qarabağ"ın heyətində onlara qarşı oynamışıq. Aşağı-yuxarı oyun fəlsəfəsini bilirik. Amma yetərincə sistem dəyişikliyi edir. İngiltərə premyer-liqasında fərqli fəlsəfə ilə oynadırdı "Uotford"u. İsraildə fərqli fəlsəfəyə üstünlük verdi, PAOK-da da fərqli idi. Ona görə rəqibin istər heyətinə, istərsə də oyun planında rotasiyalarına hazır olmalıyıq".