Elmejor Rumıniyaya niyə getmişdi?
Elmejor Rumıniyaya səfər edib.
Mahir Emrelini Bakıda fərdi şəkildə çalışdıran məşqçi birvaxtlar “Səbail”də çıxış edən braziliyalı Da Silva ilə Rumıniyada məşq prosesi keçib. Səfərin təəssüratlarını öyrənmək üçün Elmejorla əlaqə saxladıq: “Bildiyiniz kimi, Eriko da Silva "Səbail"də çıxış edib. O vaxt mənimlə məşq edirdi. 2 aylıq bir dönəm oldu ki, mən hazırlaşdırdım onu. Daha sonra Rumıniyaya yollandı. Oda bir komanda ilə müqavilə bağladı və hətta kapitan oldu. Hazırda Da Silva orda böyük nüfuza malikdi. O dəvət elədi məni. Hazırlıq dönəmi olduğu üçün getmişdim. 5 gün orda oldum, hər gün iki məşq etdik. Çempionatları başlayırdı. Ona hazırlıq gördük. Hazırda "UTA ARAD"da çıxış edir. Silva komandanın əsas simasıdı".
Yeri gəlmişkən, Elmejordan Rumıniya ilə Azərbaycan futbolunun fərqini də soruşduq: “Təbii ki, fərq var. Avropada üstünlüklər çoxdu. Amma Rumıniya klubları "Qarabağ", "Neftçi" və "Sabah"dan güclü deyillər".
GÜNAY VƏLİYEVA
Digər xəbərlər
