“Lids”in sol cinah müdafiəçisi Xunior Firpo şənbə günü Culiya Torralbo ilə nigah bağladı.

"Football-plus.az" xəbər verir ki, mərasim sosial şəbəkələrdə canlı rejimdə yayınlandı. Firponun toyunu izləyən yüzlərlə adam təbrik mesajları göndərdi. “Lids”in bəzi azarkeşləri komandanın başqa oyunçularının – Mateuş Klix, Daniel Ceyms və Rafinyanın translyasiyanı izləyənlər arasında olduğunu gözdən qaçırmadı. Xüsusən də sonuncu azarkeşlərin diqqətini cəlb etdi. Toy mərasiminə şərh yazan onlarla azarkeş Rafinyadan “Lids”də qalmağı xahiş etdi.

Braziliyalı vinger bu yay “Lids”lə bağlı transfer şayiələrinin əsas obyektidi. Rafinya bir neçə top-klubun “radarına düşüb” ki, bunlardan biri də “Barselona”dı. Kataloniya klubu onun yeni mövsümü “Nou Kamp”da keçirməsi ilə bağlı arzusunu gizlətmir. Futbolçu özü də bu keçidə müsbət yanaşır. Ancaq ən böyük əngəl transferin məbləği ilə bağlıdı. Klublar bu yöndə heç cür razılığa gələ bilmir. Rafinyanın müqaviləsində yer alan maddəyə görə, “Lids” premyer-liqanı tərk etsəydi, braziliyalı 25 milyon funt qarşılığında gedə bilərdi. Ancaq elitada yerini qoruya bilən yorkşirlilər indi oyunçusunun satışından daha çox qazanmaq istəyir. Klub rəhbərliyi bu yöndə yetərincə sərt mövqe tutub və braziliyalını ucuz qiymətə buraxmaq fikrindən uzaqdı. Məşhur insayder Fabritsio Romanoya inansaq, “Lids” braziliyalı ulduzu minimum 50 milyon funta qiymətləndirir, özü də bütün məbləği dərhal almaq istəyir, hissələrlə ödənişə razı deyil. “Barselona”nın maliyyə vəziyyətindən isə hər kəs xəbərdardı. Kataloniyalılar Rafinyaya görə belə yüksək məbləğ xərcləmək istəmir, onların təklifinin son həddi 35 milyon funtdu. Bu iki klub arasında danışıqların davam etdiyi məqamda “Liverpul”, “Mançester Yunayted” və “Çelsi” də braziliyalı ətrafındakı vəziyyəti yaxından izləyir.

Rafinda hazırda dünya çempionatına hazırlıq çərçivəsində yoldaşlıq oyunları keçirən Braziliya yığmasının düşərgəsindədi. O, son müsahibələrinin birində gələcəyi haqda belə deyib: