"Komandamdan bu oyunu gözləmirdim" -Rüstəm Əliyev
Ölkə çempionatının 26-cı turu çərçivəsində "Sumqayıt" doğma meydanda "Şamaxı"nı 2:0 hesabı ilə məğlub edib.
"Football-plus.az" saytının məlumatına görə, qonaq komandanın baş məşqçisi Rüstəm Əliyev matçdan sonra jurnalistlərin suallarını cavablandırıb."Danışmaq çətindi. Sanki komandamda aqressiya çatışmırdı. Bunun səbəbini bilmirəm. Bir hücumçu tapmadıq ki, son nöqtəni qoysun. Məyusam. Azarkeşlərimizi sevindirə bilmədik. Onlardan üzr istəyirəm".
- Son 4 oyunda 3 məğlubiyyətiniz var. Növbəti matçda hədəf nədi?
- Bu oyunda da qələbəyə ümid edirdim. Komandamdan bu oyunu gözləmirdim. Çalışacağıq ki, qələbə qazanıb, azarkeşlərimizi sevindirək.
- Sizdən əvvəl Sənan Qurbanov da futbolçulardan gileylənirdi. Bu problem niyə həll edilmir?
- 20 gündür buradayam. Komandamın fiziki durumu yaxşı deyil. Aqressiyamız çatışmır. Daxili enerjimizi də göstərə bilmədik.
Digər xəbərlər
