Ölkə çempionatının 27-ci turu çərçivəsində "Şamaxı" doğma meydanda "Qəbələ"yə 0:1 hesabı ilə məğlub oldub.

"Football-plus.az" saytının məlumatılna görə, qarşılaşmadan sonra baş tutan mətbuat konfransında "münəccimlər"in baş məşqçisi Rüstəm Əliyev matç haqda fikirlərini bildirib:

"Qəbələ"ni təbrik edirəm. Təəssüf ki, yenə azarkeşlərimizi sevindirə bilmədik. Qələbə qazanmaq üçün qol vurmaq, son nöqtəni qoymaq lazımdı. "Sumqayıt"la oyunda olduğu kimi bu gün də son nöqtəni qoya bilmirdik. Matç ərzində "Qəbələ"dən çox qol epizodlarımız oldu, amma yararlana bilmədik. Həmin epizodları dəyərləndirmək üçün soyuqqanlı olmaq lazımdı. Bunu futbolçulara da bildirdim. Qalib gələ bilmədiyimizə görə təəssüflənirəm".