Avstriyanın Qrats şəhərində keçirilən cüdo üzrə gənclər arasında Avropa Kubokunda millimiz uğurlu çıxışı ilə diqqət çəkib.

"Football-plus.az" xəbər verir ki, komandamız turnirin son günündə daha dörd medal qazanıb. 90 kq çəki dərəcəsində çıxış edən Süleyman Şükürov bütün rəqiblərini məğlub edərək fəxri kürsünün ən yüksək pilləsinə qalxıb.

Eyni çəkidə mübarizə aparan Aslan Kotsoyev də yarışı bürünc medalla tamamlayıb. 81 kq-da Roman Qarayev, 100 kq-da isə Ramazan Əhmədov üçüncü yeri tutublar.

Qeyd edək ki, yarışın ilk günündə Məhəmməd Musayev 66 kq çəki dərəcəsində çempion olub. Beləliklə, millimiz Qrats Avropa Kubokunu iki qızıl və üç bürünc medalla başa vurub.

Avropa Kubokunu iki qızıl və üç bürünc medalla tamamlayan milli 34 ölkə arasında oğlanların mübarizəsində ikinci, ümumi medal sıralamasında isə üçüncü yeri tutub.