“Harda görmüsüz ki, iki oyuna nəticə olsun?” – “Dənizçilər” Cavid Hüseynovla bağlı sualı aqressiv qarşıladı
Son turda “Kəpəz”in “Şamaxı” üzərində qələbə qazanması, “Səbail”in isə “Sabah”a uduzması “dənizçilər”i turnir cədvəlində sonuncu pilləyə yuvarlanmasına səbəb oldu.
Şahin Diniyevin dönəmində də məğlubiyyətlər sıralanırdı, Cavid Hüseynov gəldi, amma nəticə eynidi. Məğlubiyyətlər sıralanacaqdısa, baş məşqçinin dəyişməsinin mənası nədi?
Mövsümün sonuna qədər sonuncu pillədən qurtulacağınıza əminsimi? “Football-plus.az” bu sualları “Dənizçilər” fanklubunun rəhbəri Atif Rüstəmliyə ünvanlayıb:
“Harda görmüsüz ki, iki oyuna (əslində Hüseynov gələndən sonra komanda üç oyunda uduzub – red.) nəticə olsun? Bu sual Samir Abasova daha uyğundu. Zədəli oyunçular çoxdu. İnşallah, qış transfer pəncərəsindən sonra hər şey qaydasında olacaq. Cavid Hüseynova inanırıq”.
ƏSƏD SEYİDOV
Digər xəbərlər
