''Yunayted'' Holannı əldən veribmiş
''Mançester Yunayted''in sabiq çalışdırıcısı Ole Qunnar Solskyaer Erlinq Holann haqda maraqlı etirafı ilə diqqət çəkib.
"Football-plus.az" xəbər verir ki, bilindiyi kimi norveçli forvard bu mövsüm Mançesterin digər təmsilçisində - ''Siti''nin heyətində xarüqələr yaradır. Amma Holann ''Yunayted''ə də keçə bilərmiş. Solskyaer 2015-18-ci illərdə ''Molde''nin başında olarkən həmyerlisi də həmin klubda idi. 50 yaşlı mütəxəssis İngiltərə mətbuatına açıqlamasında bunları deyib:
''Holannın istedadını görən kimi ''Yunayted'' rəhbərliyi ilə əlaqə saxladım. Çünki potensialı bu klubda oynamağa imkan verirdi. Amma təəssüf ki, rəhbərlikdən heç kim məni dinləmək istəmədi. 4 milyon avro onlar üçün böyük məbləğ kimi göründü. Təsəvvür edirsiz, ''Yunayted'' Holannı cəmi 4 milyona transfer edə bilərdi. İndi onun hansı səviyyəyə çatdığını hər birimiz görürük. Sözün əsl mənasında mükəmməl oyunçudu''.
Digər xəbərlər
